Carlo en Anneke se liefdesverhaal het alreeds in 2010 begin. In graad agt sien Anneke die mooiste blas outjie raak, met sy no. 6 rugby trui en groen tokse, op Gim se rugby veld. Die probleem is die aantreklike matriek ou is hopeloos te oud vir haar en hy is natuurlik glad nie bewus van die graad agt dogtertjie se “crush” op hom nie. Na ‘n paar interessante draaie, ‘n Stilbaai vakansie en hul eerste soen later vind Carlo en Anneke uiteindelik mekaar in 2011. Jonk en verlief kon Carlo al toe oë die Pniel pas ry tussen Stellenbosch en Paarl, vir ontelbare kuiertjies.